Pānui Pāpāho 

7 o Hūrae, 2022 

Kua pānui atu a Ihi Aotearoa me Te Whare Tū Taua o Aotearoa i tētahi hononga hou e whakawhiwhia atu ai Te Whare Tū Taua ki ētahi pūtea nā Te Pūtea o Ihi hei whakahaere i tāna marautanga whakangungu huri noa i te motu mō te toru tau e tū mai nei.

Ko Te Pūtea o Ihi tētahi o ngā kaupapa e whā i ahu mai nei i te Kaupapa Māori Response Plan a Ihi Aotearoa, i waihangatia taua mahere hei urupare atu ki te KOWHEORI-19 me ōna kawekawe ki te iwi Māori.

Ko te aronga o tēnei pūtea ko te whakaranea i te whakaurunga Māori mā te hono tahi me ngā rōpū Māori e whakahaere ana i ngā ara ahurea motuhake hei takahitanga mā ngā whānau, mā ngā hapū, mā ngā iwi Māori hoki. Ko Te Whare Tū Taua o Aotearoa te rōpū Māori tuatahi i whakawhiwhia ai ki ētahi pūtea nā Te Pūtea o Ihi.

E kī ana te Tumu Whakarae o Ihi Aotearoa a Raelene Castle he whakahirahira tēnei hīkoitanga tuatahitanga, ā, e whakaatu atu ka pēhea tā te pūtea nei tautoko i a Ihi Aotearoa ki te whakarite i ngā hononga hou me ngā Māori, ka pēhea hoki tāna whakapakari i ngā hononga kua whakaritea kētia.

“Nō mātou te whiwhi kua hono atu mātou ki Te Whare Tū Taua o Aotearoa ki te tautoko i te whakahaere i tā rātou kaupapa whakahirahira huri noa i te motu. Mā tēnei kaupapa ka whakakahangia ngā Māori ki te whakauru atu ki ngā mahi ōkiko kua whakaritea nā te Māori, mā te Māori, ko tā mātou e whakapono nei, mā tēnei e pai ake ai ngā putanga hauora.”  

“E mōhio ana a Ihi Aotearoa ki te hiranga o tētahi tira o te Karauna me te iwi Māori e tīaroaro ngātahi ana, e tautoko ngātahi ana i ō rātou ake wawata mō te whakawhanake i te hauora Māori. He wā whakahirahira tēnei ki a mātou,” te kī a Raelene Castle.  

I whakatūria Te Whare Tū Taua o Aotearoa e Tākuta Pita Sharples i te tau 1983, nā te whakarauoratanga o te reo Māori me ngā tikanga i pērā ai. Ka hoatu te mahi toi o tua whakarere, arā te mahi mau rākau ki te ao Māori, hei kaupapa auaha mō te whakapakari tinana, te hītori Māori, ngā atua Māori, te whakapapa, te whakamanawa, ngā pūkenga hautūtanga, te whakaraurapa, te whakaute, me ngā whakamahinga katoa o te taiaha.  

Ko tā Rīhari Daymond, te Tiamana o Te Whare Tū Taua o Aotearoa, he hōnore nui te hononga kei waenganui i Te Whare Tū Taua o Aotearoa me Ihi Aotearoa nā te āheinga kei roto i te hononga nei ki te tautoko i ngā whānau Māori huri noa i te motu.  

“Ka āwhina mai a Ihi Aotearoa i a mātou ki te whakatutuki i ētahi wānanga, ā mā mātou a Ihi Aotearoa e tautoko mā te whakaatu atu i te tirohanga Māori mō ā rātou mahi, hei oranga mō ō tātou uri. Ko te tiaki i tēnei taonga, a kui mā a koro mā, mō ngā uri whakaheke te aronga ki mua.” 

E kī ana te Toihautū o Ihi Aotearoa, a Moana-Lee Raihania, he mea whakaihiihi tēnei hononga, ā, he nui ngā putanga pai ka hua mai i te hononga mā ngā rōpū e rua.  

“E noho whakaiti ana mātou i tā Te Whare Tū Taua o Aotearoa waitohu mai i tētahi whakaaetanga hei painga mō te ao Māori. He nui ngā tau e whakatipu ana mātou i te whakawhirinakitanga, e tai atu ai mātou ki tēnei wā, ā, kua tae ki te wā ki te mahi i te mahi, ki te whakatinana i te whakaaetanga, ki te whakahōhonu hoki i tō mātou hononga kia hua mai ai ko tētahi hononga e arahina ana e Te Tiriti.”  

Ko Te Whare Tū Taua o Aotearoa tētahi kura e pupuri ana, e whakaako hoki ana i te mahi toi o te mau rākau me te taiaha mō ngā tau neke atu i te 1,000, ā he taonga ērā kua tukua iho mai e ngā tūpuna Māori mō ngā uri whakaheke hei mahi mā rātou anō.  

I tēnei wā, kei te takiwā o te 2,000 ngā mema huri noa i Aotearoa nei, tāne mai, wāhine mai, nō ngā iwi katoa, nō te nuku o te ao. E pōwhiritia ana ngā mema katoa kia hono mai ki ngā peka maha huri noa i Aotearoa, i Rānana, i Ahitereiria, i Hawai’i, ā, ināianei, i Abu Dabi hoki. 

KA MUTU  

He kōrero mā ngā Kaiwhakatika: 

Mō te Kaupapa Māori Response Plan: 

Ko te Kaupapa Māori Response Plan te urupare a Ihi Aotearoa ki te KOWHEORI-19 me ōna kawekawe ki te iwi Māori. He tohu tēnei o te tīmatanga o tā mātou pāhekoheko horipū ki ngā whānau, ngā hapū, me ngā iwi Māori, ā, e whakatinana ana hoki i tō mātou wawata ki te tū hei rōpū e arahina ana e Te Tiriti, i a mātou e neke whakamua ana ki tētahi anamata kākanorua. Ko te KMRP tētahi wāhanga o te Sport NZ Recovery Plan. Mō te katoa o ngā kōrero mō te KMRP, me ōna kaupapa, pāwhiritia tēnei COVID-19 Kaupapa Māori Response Plan | Sport New Zealand - Ihi Aotearoa (sportnz.org.nz) 

Ngā Whakapānga Pāpāho: 

Michelle Pickles 
Sport NZ 
Group Media Manager 
Michelle.pickles@sportnz.org.nz 
021 833 244 

Rīhari Daymond 
Te Whare Tū Taua o Aotearoa 
Heamana  
022 0895 386   

Sport NZ Ihi Aotearoa partners with Te Whare Tū Taua o Aotearoa

Media release

7 July 2022 

Sport NZ Ihi Aotearoa (Sport NZ) and Te Whare Tū Taua o Aotearoa have announced a partnership which will see the international school of Māori weaponry receive funding from the Te Ihi Fund to deliver its training curriculum nationally over the next three years.   

The Te Ihi Fund is one of four initiatives under Sport NZ’s Kaupapa Māori Response Plan, which was created in response to COVID-19 and its resulting impacts on Māori. 

The purpose of the fund is to increase Māori participation by partnering with Māori organisations who are implementing culturally distinctive pathways for whānau, hapū, iwi, Māori to engage with. Te Whare Tū Taua o Aotearoa is the first Māori organisation to receive investment through the Te Ihi Fund. 

Sport NZ Chief Executive Raelene Castle says it’s an important first step that shows how the fund will help Sport NZ build new partnerships with Māori, as well as strengthening existing relationships. 

“We are honoured to partner with Te Whare Tū Taua o Aotearoa and support the national delivery of their important kaupapa. This is enabling Māori to participate in physical activity that is for and by Māori, which we believe will improve wellbeing outcomes.” 

“Sport NZ recognises the significance of a Crown agency and Māori aligning and supporting each other’s aspirations for advancing Māori wellbeing. This is a proud moment for our organisations,” says Raelene Castle.   

Te Whare Tū Taua o Aotearoa was founded by Dr Pita Sharples in 1983, due to the renaissance of Te Reo Māori and tikanga.  It offers the ancient art of mau rākau back to Māoridom as an innovative programme in physical fitness, Māori history, Māori atua, whakapapa, confidence, leadership skills, self-discipline, respect and all uses of the taiaha. 

Te Whare Tū Taua o Aotearoa Chairperson, Rīhari Daymond, says the partnership between Te Whare Tū Taua o Aotearoa and Sport NZ is a great honour because of the opportunity to support whānau Māori around the country. 

"Sport NZ will help us to host seminars and we will support Sport NZ by providing them with a Māori perspective for their work, for the betterment of our people. Protecting these treasures handed to us by our elders for generations to come is our focus moving forward".  

Sport NZ Toihautū, Moana-Lee Raihania, says the partnership is exciting, and there are many positive outcomes that will result from the relationship for both organisations. 

“We are humbled that Te Whare Tū Taua o Aotearoa has signed an agreement with us that will benefit Te Ao Māori.  It took us a few years to build trust and reach this point and now it’s time to “mahia te mahi” and put the agreement into action and continue to deepen the relationship toward a Te Tiriti-led partnership.” 

Te Whare Tū Taua o Aotearoa is a learning school where the art of mau rākau and taiaha has been preserved and taught for over 1,000 years, a taonga that has been passed down from tupuna Māori (Māori ancestors) for future generations to do the same. 

At present there are approximately 2,000 members throughout Aotearoa, both men and women, from all tribes and throughout the world. All members are welcome to join the many branches throughout Aotearoa and also London, Australia, Hawai’i and now Abu Dabi. 

ENDS 

Notes to Editors: 

Te Whare Tū Taua o Aotearoa Chairperson, Rīhari Daymond quote in Te Reo Māori: 

“Ka āwhina mai a Ihi Aotearoa i a mātou ki te whakatutuki i ētahi wānanga, ā mā mātou a Ihi Aotearoa e tautoko mā te whakaatu atu i te tirohanga Māori mō ā rātou mahi, hei oranga mō ō tātou uri. Ko te tiaki i tēnei taonga, a kui mā a koro mā, mō ngā uri whakaheke te aronga ki mua.” 

The Kaupapa Māori Response Plan: 

The Kaupapa Māori Response Plan is the Sport NZ response to COVID-19 and its resulting impacts on Māori. It also signifies the beginning of our direct engagement with whanau, hapū, iwi and Māori, and actions Sport NZ’s aspiration to being a Te Tiriti-led organisation, as we move towards a bicultural future. The KMRP is part of the Sport NZ Recovery Plan. For more info on the KMRP, and its initiatives, click here COVID-19 Kaupapa Māori Response Plan | Sport New Zealand - Ihi Aotearoa (sportnz.org.nz) 

Media Contacts: 

Michelle Pickles 
Sport NZ 
Group Media Manager 
Michelle.pickles@sportnz.org.nz 
021 833 244 

Rīhari Daymond 
Te Whare Tū Taua o Aotearoa 
Heamana - Chair 
022 0895 386  (please text first)