E haumi ana a Ihi Aotearoa i te $7 miriona pūtea tāpiri ki tētahi mahere hou mō te oranga o te Māori
Kua whakaputaina e Ihi Aotearoa tētahi haumitanga hou e $7 miriona i ngā tau e whā e tū mai nei hei hiki i ngā putanga oranga mō te Māori. Mā tēnei mahere hou e haumi ai te tari kāwanatanga nei i ngā rōpū hou e whai wāhi ana ki ngā putanga kori tinana o te Māori. He wāhanga tēnei o te tahua whakaora e $265 miriona, e āhukahuka ana i te pānga kino o te KOWHEORI-19 i runga i te oranga o te Māori me te nui o ngā āhuatanga kori tinana.
Ko te mahere hou he whāinga ahurei nō Te Ao Māori e arotahi ana ki ngā huarahi ahurea motuhake hei whakamana i te Māori kia angitu hei Māori mā te tākaro, te kori rēhia me te hākinakina. Mā te haumitanga nei ka haumi a Ihi Aotearoa i ētahi rōpū hou e whai wāhi ana ki ngā putanga oranga mā te Māori, nā te Māori, me te Māori hoki.
"He tutukitanga nui whakaharahara tēnei. Koinei te wā tuatahi ka kōkiritia ngātahitia e Ihi Aotearoa ētahi kaupapa hei whakauru atu ki ngā whānau, hapū, iwi me ngā Māori, me te tuitui hononga whaitake i roto i aua hapori," te kī a Peter Miskimmin te mana hautū o Ihi Aotearoa.
"He nui rawa te kitea o te Māori i ngā tatauranga mate mōmona, mate manawa, me te mate huka, ā, he iti iho te tūpono wā ora ki ērā o tauiwi. Mā te kori tinana hei āwhina ki te whakatau i ēnei tūmomo mate, engari me te mōhio anō i ia wiki, 31 ōrau te Māori kīhai i whai wāhi ki ngā mahi hākinakina, māhi a rēhia rānei."
"E whai ana mātou ki te whakamana i ngā hapori Māori ki te hiki i ngā mahi kori tinana mā roto i ngā whāinga o Te Ao Māori me te Mātauranga Māori, ā, e whakapono ana mātou ka nui te whai hua o tēnei."
Ka arotahi te mahere nei ki ētahi kaupapa motuhake e whā:
- Ngā Rōpū Hākinakina Māori ā-Motu – he whakakaha i te hononga kia whāia tonutia ā rātou mahi whai hua ki tō tātou rāngai. Ko te tikanga o te tahua nei he tautoko i te whakaurunga anō o ā rātou mema, he wete i ētahi o ngā here whakauru, he whakamana i tō rātou āhua ake, kia puta ora i ngā taumahatanga papori, ōhanga hoki o te wā, ā, me te whakamihi i tō rātou koha nui ki ngā mahi hākinakina me ngā mahi a rēhia, kua aua atu i te 100 tau.
- He Oranga Poutama – he tautoko i te oranga o te Māori mā te hiki i te whakaurunga me te hiki i te hautūtanga mā roto i te kori tinana. Mā te hiki i te tāhua ka whai wāhi tētahi rautaki ā-motu, me te arotahi ki ngā hapori Māori e tika ana kia āwhinahia.
- MaraeFit Aotearoa – he rauemi matihiko ā-marae hou tēnei i hoahoatia ki te hiki i te whakaurunga o te Māori, me te whakarite i ngā āheinga nui atu mā ngā whānau ki te hono ki ō rātou marae me ngā hapori mā roto i te kori tinana.
- Te Tahua o Te Ihi – he pūtea hohe tēnei hei hiki i te whakaurunga o te Māori, mā te tautoko i ngā rōpū me ngā huarahi ahurea motuhake o te wā tonu nei.
Ko ngā whakatau haumitanga NSO Māori me te Tahua o Te Ihi ka whakaputaina hei te mutunga o 2020. Ko ngā haumitanga MaraeFit Aotearoa me He Oranga Poutama ka whakaputaina hei te atinga o te 2021.
"Kei runga a Ihi Aotearoa i tētahi haerenga hei whakahōnore i tō mātou pūmautanga ki Te Tiriti, o Waitangi ā, pukumahi ana kia eke mātou ki tō mātou pūmautanga ki tētahi anamata kākanorua. Ko te whakaputanga i tēnei rā, he tauira kotahi noa o te whakatinana i tērā."
"E ihiihi ana mātou ki te whai i te tapuwae tuatahi i runga i tēnei haerenga o ēnei kaupapa Māori e whakamana ana i te Māori kia uru mai hei Māori," hei tā Peter Miskimmin.
Sport NZ invests an additional $7m into new plan for Māori wellbeing
Sport NZ Ihi Aotearoa has announced $7m of new investment over the next four years to improve wellbeing outcomes for Māori. This new plan will see the government agency invest in new organisations who contribute to Māori physical activity outcomes. It is part of the $265m sport recovery package, and is a recognition of the adverse effect COVID-19 has had on Māori wellbeing and levels of physical activity.
The new plan is a unique Te Ao Māori approach that focuses on culturally distinctive pathways to enable Māori to succeed as Māori through play, active recreation and sport. The investment will see Sport NZ invest in a number of new organisations that contribute to wellbeing outcomes that are for, by and with Māori.
“This is an important and significant milestone. This is the first time Sport NZ will simultaneously advance a number of mechanisms to engage whānau, hapū, iwi, Māori and build meaningful relationships in these communities,” says Sport NZ Chief Executive Peter Miskimmin.
“Māori are over-represented in obesity, cardiovascular, and diabetes statistics and have a lower life expectancy compared with non-Māori. Being physically active assists in addressing all of these conditions, we know however that every week, 31-percent of Māori do not participate in sport or recreational activities.”
“We are seeking to enable and empower Māori communities to improve physical activity levels through Te Ao Māori and Mātauranga Māori approaches, and we believe this will make a significant difference.”
The plan will focus on four specific initiatives:
- Māori National Sport Organisations - enabling the network to continue their valued contribution to our sector. The intention of the fund is to support the re-engagement of their respective memberships, remove some of the barriers to participation, enable their unique way of being, survive the current social and economic conditions and acknowledge their contribution to the sport and recreation sector for over 100 years.
- He Oranga Poutama Programme – supporting Māori wellbeing by improving participation and increasing leadership through physical activity. Increased funding will enable a nationwide approach and focus on Māori communities that need it the most.
- MaraeFit Aotearoa – this is a new Marae-centric digital tool designed to increase Māori participation and create more opportunities for whānau to connect with their marae and community through physical activity.
- Te Ihi Fund - an activation fund to increase Māori participation by supporting existing culturally distinctive organisations and channels.
Investment decisions for Māori NSOs and Te Ihi Fund will be announced in late 2020. MaraeFit Aotearoa and He Oranga Poutama investment will be announced in early 2021.
“Sport NZ is on a journey to honour our commitment to Te Tiriti and are working hard to live up to our commitment to a bi-cultural future. Today’s announcement is just one example, to reinforce that.”
“We are excited to be taking the first step on this journey through these kaupapa Maori initiatives that enable Maori to participate as Māori,” says Peter Miskimmin.